naqaab e rukh uthaayaa jaa raha hai

Naqaab-e-rukh uThaayaa jaa raha hai GhaTaa men chaand aayaa jaa raha hai Zamaane kee nigaahon men samo kar Mujhe dil se bhulaayaa jaa raha hai Kahaan kaa jaam jab yaan zauq-e-mastee Nigaahon se pilaayaa jaa raha hai Abhee armaan Kuch baaqee hain dil men Mujhe phir aazmaayaa jaa raha hai Pilaa kar phir sharaab-e-husn-o-jalva Mujhe be-khud banaayaa jaa raha hai Salaamat aap kaa jaur-e-musalsal Mire dil ko dukhaayaa jaa raha hai 'shakeb' ab wo tasavvur men na aa.en Kaleja munh ko aayaa jaa raha hai Naqab-e-ruKH uThaya ja raha hai GhaTa mein chand aaya ja raha hai Zamane ki nigahon mein samo kar Mujhe dil se bhulaya ja raha hai Kahan ka jam jab yan zauq-e-masti Nigahon se pilaya ja raha hai Abhi arman Kuch baqi hain dil mein Mujhe phir aazmaya ja raha hai Pila kar phir sharab-e-husn-o-jalwa Mujhe be-KHud banaya ja raha hai Salamat aap ka jaur-e-musalsal Mere dil ko dukhaya ja raha hai 'shakeb' ab wo tasawwur mein na aaen Kaleja munh ko aaya ja raha hai