parda e shab ki ot men zohra jamaal kho gae

Parda-e-shab kee oT men zohra-jamaal kho ga.e Dil kaa kanval bujhaa to shahr teera-o-taar ho ga.e Ek hamen hee ai sahar niind na aa.ee raat bhar Zaanoo-e-shab pe rakh ke sar saare charaagh so ga.e Raah men the babool bhee rood-e-sharar bhee dhuul bhee Jaanaa hamen zaroor thaa gul ke tavaaf ko ga.e Deeda-varo bataa.en kya tum ko yaqeen na aa.egaa Chehre the jin ke chaand se siine men daagh bo ga.e Daagh-e-shikast dosto dekho kise naseeb ho BaiThe hue hain tez-rau sust-khiraam to ga.e Ahl-e-junoon ke dil 'shakeb' narm the mom kee tarah Tesha-e-yaas jab chalaa tooda-e-sang ho ga.e Parda-e-shab ki oT mein zohra-jamal kho gae Dil ka kanwal bujha to shahr tira-o-tar ho gae Ek hamein hi ai sahar nind na aai raat bhar Zanu-e-shab pe rakh ke sar sare charagh so gae Rah mein the babul bhi rud-e-sharar bhi dhul bhi Jaana hamein zarur tha gul ke tawaf ko gae Dida-waro bataen kya tum ko yaqin na aaega Chehre the jin ke chand se sine mein dagh bo gae Dagh-e-shikast dosto dekho kise nasib ho BaiThe hue hain tez-rau sust-KHiram to gae Ahl-e-junun ke dil 'shakeb' narm the mom ki tarah Tesha-e-yas jab chala tuda-e-sang ho gae