phir sun raha hoon guzre zamaane ki chaap ko

Phir sun raha hoon guzre zamaane kee chaap ko Bhoolaa huaa thaa der se main apne-aap ko Rahte hain Kuch malool se chehre paDos men Itnaa na tez keejiye Dholak kee thaap ko Ashkon kee ek nahr thee jo khushk ho ga.ee Kyoonkar miTaa.oon dil se tire gham kee chhaap ko Kitnaa hee be-kanaar samundar ho phir bhee dost Rahtaa hai be-qaraar nadee ke milaap ko Pahle to meree yaad se aa.ee hayaa unhen Phir aa.ine men chuum liyaa apne-aap ko Taareef kya ho qaamat-e-dildaar kee 'shakeb' Tajseem kar diyaa hai kisee ne alaap ko Phir sun raha hun guzre zamane ki chap ko Bhula hua tha der se main apne-ap ko Rahte hain Kuch malul se chehre paDos mein Itna na tez kijiye Dholak ki thap ko Ashkon ki ek nahr thi jo KHushk ho gai Kyunkar miTaun dil se tere gham ki chhap ko Kitna hi be-kanar samundar ho phir bhi dost Rahta hai be-qarar nadi ke milap ko Pahle to meri yaad se aai haya unhen Phir aaine mein chum liya apne-ap ko Tarif kya ho qamat-e-dildar ki 'shakeb' Tajsim kar diya hai kisi ne alap ko