saathii

Main us ko paanaa bhee chaahoon To ye mere liye naa-mumkin hai Vo aage aage tez-khiraam Main us ke peechhe peechhe Uftaan khezaan Aavaazen deta Shor machaataa Kab se ravaan hoon Barg-e-khizaan hoon Jab main uktaa kar ruk jaa.oongaa Vo bhee pal bhar ko Thahar kar Mujh se aankhen chaar karegaa Phir apnee chaahat kaa iqraar karegaa Phir main Munh tod ke Tezee se ghar kee jaanib lauToongaa Apne naqsh-e-qadam roundoongaa Ab wo dil thaam ke Mere peechhe lapaktaa aa.egaa Naddee naale Patthar parbat phaand aa jaa.egaa Main aage aage Vo peechhe peechhe Donon kee raftaar hai ik jaisee Phir ye kaise ho saktaa hai Vo mujh ko yaa main us ko paa luun Main us ko pana bhi chahun To ye mere liye na-mumkin hai Wo aage aage tez-KHiram Main us ke pichhe pichhe Uftan KHezan Aawazen deta Shor machata Kab se rawan hun Barg-e-KHizan hun Jab main ukta kar ruk jaunga Wo bhi pal bhar ko Thahar kar Mujh se aankhen chaar karega Phir apni chahat ka iqrar karega Phir main Munh tod ke Tezi se ghar ki jaanib lauTunga Apne naqsh-e-qadam roundunga Ab wo dil tham ke Mere pichhe lapakta aaega Naddi nale Patthar parbat phand aa jaega Main aage aage Wo pichhe pichhe Donon ki raftar hai ek jaisi Phir ye kaise ho sakta hai Wo mujh ko ya main us ko pa lun