sar e rah ab na yuun mujh ko pukaaro tum hi aa jaao

Sar-e-rah ab na yuun mujh ko pukaaro tum hee aa jaao Zaraa zahmat to hogee raaz-daaro tum hee aa jaao Kaheen aisa na ho dam toD den hasrat se deevaane Qafas tak un se milne ko bahaaro tum hee aa jaao Bharosaa kya safeene kaa ka.ee toofaan haa.il hain Hamaaree naa-khuda.ee ko kinaaro tum hee aa jaao Abhee tak wo nahin aa.e yaqeenan raat baaqee hai Hamaaree gham-gusaaree ko sitaaro tum hee aa jaao 'shakeb'-e-gham-zada ko dard se hai ab kahaan fursat Agar Kuch vaqt mil jaa.e to pyaaro tum hee aa jaao Sar-e-rah ab na yun mujh ko pukaro tum hi aa jao Zara zahmat to hogi raaz-daro tum hi aa jao Kahin aisa na ho dam toD den hasrat se diwane Qafas tak un se milne ko bahaaro tum hi aa jao Bharosa kya safine ka kai tufan hail hain Hamari na-KHudai ko kinaro tum hi aa jao Abhi tak wo nahin aae yaqinan raat baqi hai Hamari gham-gusari ko sitaro tum hi aa jao 'shakeb'-e-gham-zada ko dard se hai ab kahan fursat Agar Kuch waqt mil jae to pyaro tum hi aa jao