shafaq jo ruu e sahar par gulaal malne lagii

Shafaq jo roo-e-sahar par gulaal malne lagee Ye bastiyon kee fazaa kyuun dhuaan ugalne lagee Isee liye to havaa ro paDee darakhton men Abhee main khil na sakaa thaa ki rut badalne lagee Utar ke naav se bhee kab safar tamaam huaa Zameen pe paanv dharaa to zameen chalne lagee Kisee kaa jism agar chhoo liyaa khayaal men bhee To por por miree misl-e-sham.a jalne lagee Main naaptaa chalaa qadmon se apne saa.e ko Kabhee jo dasht-e-masaafat men dhoop Dhalne lagee Miree nigaah men khwaish kaa shaa.iba bhee na thaa Ye barf see tire chehre pe kyuun pighalne lagee Havaa chalee sar-e-sahraa to yuun lagaa jaise Ridaa-e-shaam mire dosh se phisalne lagee Kaheen paDaa na ho partav bahaar-e-rafta kaa Ye sabz buund see palkon pe kya machalne lagee Na jaane kya kahaa us ne bahut hee aahista Fazaa kee Thahree huee saans phir se chalne lagee Jo dil kaa zahr thaa kaaghaz pe sab bikher diyaa Jo apne aap tabee.at miree sambhalne lagee Jahaan shajar pe lagaa thaa tabar kaa zakhm 'shakeb' Vaheen ye dekh le konpal na.ee nikalne lagee Shafaq jo ru-e-sahar par gulal malne lagi Ye bastiyon ki faza kyun dhuan ugalne lagi Isi liye to hawa ro paDi daraKHton mein Abhi main khil na saka tha ki rut badalne lagi Utar ke naw se bhi kab safar tamam hua Zamin pe panw dhara to zamin chalne lagi Kisi ka jism agar chhu liya KHayal mein bhi To por por meri misl-e-shama jalne lagi Main napta chala qadmon se apne sae ko Kabhi jo dasht-e-masafat mein dhup Dhalne lagi Meri nigah mein KHwahish ka shaiba bhi na tha Ye barf si tere chehre pe kyun pighalne lagi Hawa chali sar-e-sahra to yun laga jaise Rida-e-sham mere dosh se phisalne lagi Kahin paDa na ho partaw bahaar-e-rafta ka Ye sabz bund si palkon pe kya machalne lagi Na jaane kya kaha us ne bahut hi aahista Faza ki Thahri hui sans phir se chalne lagi Jo dil ka zahr tha kaghaz pe sab bikher diya Jo apne aap tabiat meri sambhalne lagi Jahan shajar pe laga tha tabar ka zaKHm 'shakeb' Wahin ye dekh le konpal nai nikalne lagi