wo saamne thaa phir bhi kahaan saamnaa huaa

Wo saamne thaa phir bhee kahaan saamnaa huaa Rahtaa hai apne nuur men sooraj chhupaa huaa Ai raushnee kee lahr kabhi to palaT ke aa Tujh ko bulaa raha hai dareecha khulaa huaa Sairaab kis tarah ho zameen duur duur kee Saahil ne hai nadee ko muqayyad kiyaa huaa Ai dost chashm-e-shauq ne dekhaa hai baar-haa Bijlee se teraa naam ghaTaa par likhaa huaa Pahchaante nahin use mahfil men dost bhee Chehra ho jis kaa gard-e-alam se aTaa huaa Is daur men khuloos kaa kya kaam ai 'shakeb' Kyuun kar chale bisaat pe mohra piTaa huaa Wo samne tha phir bhi kahan samna hua Rahta hai apne nur mein suraj chhupa hua Ai raushni ki lahr kabhi to palaT ke aa Tujh ko bula raha hai daricha khula hua Sairab kis tarah ho zamin dur dur ki Sahil ne hai nadi ko muqayyad kiya hua Ai dost chashm-e-shauq ne dekha hai bar-ha Bijli se tera nam ghaTa par likha hua Pahchante nahin use mahfil mein dost bhi Chehra ho jis ka gard-e-alam se aTa hua Is daur mein KHulus ka kya kaam ai 'shakeb' Kyun kar chale bisat pe mohra piTa hua