bahut jabiin o rukh o lab bahut qad o gesuu

Bahut jabeen-o-rukh-o-lab bahut qad-o-gesoo Talab hai shart-e-sukoon ke hazaar-haa pahloo Jo be-khudee hai salaamat to mil hee jaa.egaa Baraa-e-fursat-e-andesha yaar kaa zaanoo Hazaar dasht-e-balaa halqa-e-asar men hain Miraa junoon hai ki chashm-e-ghazaal kaa jaadoo Ye raaz khol diyaa teree kam-nigaahee ne Sukoon kee ek nazar dard ke bahut pahloo Sabaa hazaar kare boo-e-gul kee aamezish Na dab sakegee tire jism-e-naaz kee khushboo Ik iztiraab-e-haseen hai fishaar-e-tangee-e-mai Kanaar-e-shauq men too hai ki daam men aahoo Bahut hai ahl-e-baseerat ko ek jalva bhee Vafoor-e-tishna-labee ho agar to kham hai suboo Junoon aur ahl-e-junoon kaa vo qaht hai 'taabish' UThaa na dasht se phir koee na.ara-e-yaahoo