band e gam mushkil se mushkil tar khulaa

Band-e-gham mushkil se mushkil-tar khulaa Ham se jab koee paree-paikar khulaa Mil ga.ee vahshee ko saudaa se najaat Dar khulaa deevaar men yaa sar khulaa Jaan-sitaanee ke na.e andaaz hain Haath men ghamze ke hai khanjar khulaa Meree vahshat ne nikaale jab se paanv Ek sahraa sahn ke andar khulaa Dekhne men vo nigaah-e-lutf thee Kis se poochhen zakhm-e-dil kyoonkar khulaa Koee jaada hai na manzil hai koee Sab fareb-e-raahee-o-rahbar khulaa Hai qayaamat us kee mizhgaan kaa khayaal Rakh diyaa hai dil men ik nashtar khulaa Ye zulekhaa.i! ki yoosuf ke liye Misr kaa baazaar hai ghar ghar khulaa Nau-umeedee se bandhee 'taabish' umiid Abr-e-gham dil par bahut ghir kar khulaa