dhuumen machaaen sabza raunden phuulon ko paamaal karen

Dhoomen machaa.en sabza raunden phoolon ko paamaal karen Josh-e-junoon kaa ye aalam hai ab kyaa apnaa haal karen Dasht-e-jaan men ek khushee kee lahr kahaan tak dauDegee Vasl ke ik ik lamhe ko ham kyuun kar maah o saal karen Jaan se baDh kar dil hai pyaaraa dil se ziyaada jaan aziiz Dard-e-mohabbat kaa ik tohfa kis kis ko irsaal karen Nang-e-karam hai soz-e-alam se ahl-e-dil kee mahroomee Dard-e-ishq mataa-e-jaan hai saahib kuchh to khayaal karen Mausam badle phir bhee hai aashob-e-visaal-o-hijr vahee Haal zamaane kaa jab ye ho kyaa maazee kyaa haal karen Ruuh kee ek ik choT ubhaaren dil kaa ek ik zakhm dikhaa.en Ham se ho to numaayaan kyaa kyaa apne khadd-o-khaal karen Qarz bhalaa kyaa degaa koee bhiik bhee milnee mushkil hai Naadaaron kee is bastee men kis se jaa ke savaal karen Har ik dard ko apnaa jaanen har ik gham ko apnaa.en Khvaah kisee kee daulat-e-gham ho dil ko maalaamaal karen Be-hunaree ko hunar kare ye ahl-e-hunar kaa dushman hai Charkh-e-kaj-raftaar hai aakhir 'taabish' ham bhee khayaal karen