ek jalva ba sad andaaz e nazar dekh liyaa

Ek jalva ba-sad andaaz-e-nazar dekh liyaa Tujh ko hee dekhaa kiye tujh ko agar dekh liyaa Jaise sar phoD ke mil jaa.egee zindaan se najaat Kyaa junoon ne koee deevaar men dar dekh liyaa Baaz hai aaj talak deeda-e-hairaan kee tarah Dasht-e-vahshat ne kise khaak-basar dekh liyaa Jurm-e-nazzaara kee paataa hai sazaa dil ab tak Ahl-e-dil dekh liyaa ahl-e-nazar dekh liyaa Soorat-e-naqsh-e-qadam deeda-e-mushtaaq hain ham Jab bhee vo aayaa sar-e-raahguzar dekh liyaa Yahee hasrat hai ki vo ek nazar dekh to le Aur us ne kabhee is samt agar dekh liyaa Kaheen parda hai tajallee kaheen jalva hai hijaab Ye tamaashaa bhee tiraa zauq-e-nazar dekh liyaa Roz ik taaza gham-e-dahr hai naazil 'taabish' Ek toofaan-e-balaa ne miraa ghar dekh liyaa