har ik daag e dil shama saan dekhtaa huun

Har ik daagh-e-dil sham.a saan dekhtaa huun Tiree anjuman zau-fishaan dekhtaa huun Ta.ayyun se aazaad hain mere sajde Jabeen par tiraa aastaan dekhtaa huun Fareb-e-tasavvur hai qaid-e-qafas hai Har ik shaakh par aashiyaan dekhtaa huun Main raah-e-talab kaa huun pasmaanda rah-rav Ghubaar-e-rah-e-kaarvaan dekhtaa huun Ba-andaaza-e-zauq-e-eezaa-pasandee Use aaj main mehrbaan dekhtaa huun Pilaa kar mujhe mahram-e-hosh rakkhaa Ye e.ajaaz-e-peer-e-mughaan dekhtaa huun Miree zindagee mahram-e-gham hai 'taabish' Nafas ko ba-rang-e-fughaan dekhtaa huun