mah o parviin tah e kamand rahe

Mah-o-parveen tah-e-kamand rahe Kin fazaaon men ham buland rahe Gham-e-hastee se be-niyaaz sahee Ahl-e-dil phir bhee dard-mand rahe Chashm-e-uqda-kushaa se bhee na khule Ham kuchh is tarah band band rahe Bar-sar-e-daar ham sahee lekin Harf-e-haq kee tarah buland rahe Husn kee khud-numaa.eeyaan tauba Muddaton ham bhee khud-pasand rahe Mai-o-mastee naheen hai us pe haraam Mai-kade men jo hosh-mand rahe Ham hain rahbar se do qadam aage Hausle shauq se do-chand rahe Dushmanon kaa gilaa naheen 'taabish' Dost bhee darpai-e-gazand rahe