sab ne mujh hii ko dar ba dar dekhaa

Sab ne mujh hee ko dar-ba-dar dekhaa Be-gharee ne miraa hee ghar dekhaa Band aankhon se dekh lee duniyaa Ham ne kyaa kuchh na dekh kar dekhaa Kaheen mauj-e-numoo rukee to naheen Shaakh se phuul toD kar dekhaa Khud bhee tasveer ban ga.ee nazren Ek soorat ko is qadar dekhaa Ham ne us ne hazaar sheva ko Kitnee nazron se ik nazar dekhaa Ab numoo paa.enge dilon ke zakhm Ham ne ik phuul shaakh par dekhaa