taabish havas e lazzat e aazaar kahaan tak

'taabish' havas-e-lazzat-e-aazaar kahaan tak Raahat se ye gham phir bhee mire yaar kahaan tak Har roz ik aavaaza anal-haq kaa lagaa.en Dekhen to ki hai silsila-e-daar kahaan tak Har raaste se manzil-e-hastee hai bahut duur Jaa.egaa mire saath gham-e-yaar kahaan tak Haan taana-e-aghyaar ke nashtar hee se khul jaa.e Ik zakhm rahegaa lab-e-guftaar kahaan tak Hain is ke ta'alluq se aziiz ahl-e-jahaan bhee Le jaa.egee aakhir havas-e-yaar kahaan tak Aa.eena-dar-aa.eena dar-aa.eena tiraa husn Hairaan hon tire taalib-e-deedaar kahaan tak Hotee hee naheen sub.h-e-qayaamat bhee numoodaar Jaagenge shab-e-hijr ke beemaar kahaan tak Phailee huee har samt kaDee dhuup hai 'taabish' Jaa.egaa koee saaya-e-deevaar kahaan tak