taaza dam jazba e safar rakkhaa

Taaza-dam jazba-e-safar rakkhaa Ham ne manzil ko rah-guzar rakkhaa Ehtiraam-e-rah-e-talab dekho Paaon rakhnaa thaa ham ne sar rakkhaa Tere ik jalva-e-tabassum ko Zindagee ne sahar sahar rakkhaa Teree aagaahee-e-mohabbat ne Ham ko tujh se bhee be-khabar rakkhaa Aaj bazm-e-khayaal men ham ne Der tak un ko jalva-gar rakkhaa 'aql ne meree gumr-ahee ke liye Har qadam 'aalam-e-khabar rakkhaa Ham ne is hasrat-e-tamaashaa men Naam jalve kaa bhee nazar rakkhaa Apnee rusvaa.iyon ke parde men Ham ne kis kis ko mo'tabar rakkhaa Ab hunar 'aib hai magar 'taabish' Ham ne is 'aib ko hunar rakkhaa