ashk zaaea ho rahe the dekh kar rotaa na thaa

Ashk zaa.e.a ho rahe the dekh kar rotaa na thaa Jis jagah bantaa thaa ronaa main udhar rotaa na thaa Sirf teree chup ne mere gaal giile kar diye Main to vo huun jo kisee kee maut par rotaa na thaa Mujh pe kitne saanahe guzre par in aankhon ko kyaa Meraa dukh ye hai ki meraa ham-safar rotaa na thaa Main ne us ke vasl men bhee hijr kaaTaa hai kaheen Vo mire kaandhe pe rakh letaa thaa sar rotaa na thaa Pyaar to pahle bhee us se thaa magar itnaa naheen Tab main us ko chhoo to letaa thaa magar rotaa na thaa Girya-o-zaaree ko bhee ik khaas mausam chaahiye Meree aankhen dekh lo main vaqt par rotaa na thaa