bhulaa diyaa thaa jis ko ek shaam yaad aa gayaa
— Tahzeeb Hafi
Bhulaa diyaa thaa jis ko ek shaam yaad aa gayaa
Ghazaal dekh kar vo khush-khiraam yaad aa gayaa
Khudaa kaa shukr hai ki saans TooTne se peshtar
Vo shakl yaad aa ga.ee vo naam yaad aa gayaa
Vo jis kee zulf aanchalon kee chhaaon ko taras ga.ee
Shab-e-visaal us ko ehtiraam yaad aa gayaa
Main pichhle das baras se tere dil men ghar na kar sakaa
Tiree muzaahimat se vietnam yaad aa gayaa
Main aaj eastwod kee ek film dekh kar haTaa
To mujh ko ik puraanaa intiqaam yaad aa gayaa