dil kisii samt kisii samt qadam jaataa hai

Dil kisee samt kisee samt qadam jaataa hai Tere maujood ke chakkar men adam jaataa hai Aur to kuchh naheen hotaa tire milne se magar Ek toofaan-e-ta'alluq hai jo tham jaataa hai Mujh ko saavan men kabhee khat na ravaana karnaa Jaate jaate tire maktoob se nam jaataa hai Is liye bolaa use khud se pare jaane kaa Jis taraf ham use kahte hain vo kam jaataa hai Raqs-e-dosheeza-e-duniyaa pe nazar paDte hee Jaam-e-jamshed mire haath men jam jaataa hai Kisee dil se kisee pahloo se kisee duniyaa se Aadmee jaataa hai kab ranj-o-alam jaataa hai Naghma-e-tool-e-shab-e-hijr mire bas kaa naheen Main agar lai ko pakaDtaa huun to sam jaataa hai Haath uThaa luun to tiree khushboo chalee jaa.egee Sar jhaTak duun to tiraa dast-e-sitam jaataa hai Ba.az auqaat havaaon ke ta.aaqub ke liye Main na jaa.oon to miraa naqsh-e-qadam jaataa hai