ik havelii huun us kaa dar bhii huun
— Tahzeeb Hafi
Ik havelee huun us kaa dar bhee huun
Khud hee aangan khud hee shajar bhee huun
Apnee mastee men bahtaa dariyaa huun
Main kinaara bhee huun bhanvar bhee huun
Aasmaan aur zameen kee vus.at dekh
Main idhar bhee huun aur udhar bhee huun
Khud hee main khud ko likh rahaa huun khat
Aur main apnaa naama-bar bhee huun
Daastaan huun main ik taveel magar
Too jo sun le to mukhtasar bhee huun
Ek phaldaar peD huun lekin
Vaqt aane pe be-samar bhee huun