khud pe jab dasht kii vahshat ko musallat karuungaa
— Tahzeeb Hafi
Khud pe jab dasht kee vahshat ko musallat karoongaa
Is qadar khaak uDaa.oongaa qayaamat karoongaa
Hijr kee raat miree jaan ko aa.ee huee hai
Bach gayaa to main mohabbat kee mazammat karoongaa
Jis ke saa.e men tujhe pahle pahal dekhaa thaa
Main isee peD ke neeche tiree bai'at karoongaa
Ab tire raaz sambhaale naheen jaate mujh se
Main kisee roz amaanat men khayaanat karoongaa
Teree yaadon ne agar haath baTaayaa meraa
Apne TuuTe hue khvaabon kee marammat karoongaa
Lailatul-qadr guzaaroongaa kisee jangal men
Nuur barsegaa darakhton kee imaamat karoongaa