kise khabar hai ki umr bas us pe gaur karne men kat rahii hai

Kise khabar hai ki umr bas us pe ghaur karne men kaT rahee hai Ki ye udaasee hamaare jismon se kis khushee men lipaT rahee hai Ajiib dukh hai ham us ke ho kar bhee us ko chhoone se Dar rahe hain Ajiib dukh hai hamaare hisse kee aag auron men baT rahee hai Main us ko har roz bas yahee ek jhuuT sunne ko phone kartaa Suno yahaan koee mas.ala hai tumhaaree aavaaz kaT rahee hai Mujh aise peDon ke sookhne aur sabz hone se kyaa kisee ko Ye bel shaayad kisee museebat men hai jo mujh se lipaT rahee hai Ye vaqt aane pe apnee aulaad apne ajdaad bech degee Jo fauj dushman ko apnaa saalaar girvee rakh kar palaT rahee hai So is ta'alluq men jo ghalat-fahmiyaan thiin ab duur ho rahee hain Rukee huee gaaDiyon ke chalne kaa vaqt hai dhundh chhaT rahee hai