maut khaalii jagah thii jise koii bharnaa nahiin chaahtaa thaa
— Tahzeeb Hafi
Maut khaalee jagah thee jise koee bharnaa naheen chaahtaa thaa
Us ke chehre pe likkhaa huaa hai vo marnaa naheen chaahtaa thaa
Kyaa bataa.oon ki main abr huun so miree apnee majbooriyaan hain
Varna main in makaanon se ho kar guzarnaa naheen chaahtaa thaa
Ghonslon men paDe sochte hain ki ham un parindon men hote
Vo jinhen apne pinjron se aazaad karnaa naheen chaahtaa thaa
Jo hamen chhoD kar jaa chuke un ko itnaa bhee kyaa yaad karnaa
Chashm-e-tar ek do ashk kaafee the jharnaa naheen chaahtaa thaa
Ham machheron ne apne samundar bhee badle magar kashtiyon par
Rizq ke naam kaa ik parinda utarnaa naheen chaahtaa thaa
Ik puraanee masaafat kee miTTee thee chehre pe 'tahzeeb' varna
Kaun thaa jo tire aa.inon men sanvarnaa naheen chaahtaa thaa