raat ko diip kii lau kam nahiin rakkhii jaatii
— Tahzeeb Hafi
Raat ko diip kee lau kam naheen rakkhee jaatee
Dhundh men raushnee maddham naheen rakkhee jaatee
Kaise dariyaa kee hifaazat tire zimme Thahraa.oon
Tujh se ik aankh agar nam naheen rakkhee jaatee
Is liye chhoD ke jaane lage sab chaara-garaan
Zakhm se izzat-e-marham naheen rakkhee jaatee
Mere ashkon kee madad chaahiye batlaao mujhe
Kaun se phuul pe shabnam naheen rakkhee jaatee
Aise kaise main tujhe chaahne lag jaa.oon bhalaa
Ghar kee buniyaad to ik dam naheen rakkhee jaatee