ye kis ne baag se us shakhs ko bulaa liyaa hai

Ye kis ne baagh se us shakhs ko bulaa liyaa hai Parind uD ga.e peDon ne munh banaa liyaa hai Use pataa thaa main chhoone men vaqt letaa huun So us ne vasl kaa dauraaniya baDhaa liyaa hai Ye raat naam naheen le rahee thee kaTne kaa Charaagh joD ke logon ne din banaa liyaa hai Darakht chhaaon se haT kar bhee aur bahut kuchh hai Ye kaisee chiiz thee aur ham ne kaam kyaa liyaa hai Khurach rahaa huun main deevaar par likhe hue naam 'ajeeb tarh kee ik bebasee ne aa liyaa hai