apne andaaz kaa akelaa tha
— Waseem Barelvi
Apne andaaz kaa akelaa tha
Is liye main baDaa akelaa tha
Pyaar to janm kaa akelaa tha
Kyaa miraa tajraba akelaa tha
Saath teraa na kuch badal paayaa
Meraa hee raasta akelaa tha
Bakhshish-e-be-hisaab ke aage
Meraa dast-e-duaa akelaa tha
Teree samjhaute-baaz dunya men
Kaun mere sivaa akelaa tha
Jo bhee miltaa gale lagaa letaa
Kis qadar aa.inaa akelaa tha
Apne andaz ka akela tha
Is liye main baDa akela tha
Pyar to janm ka akela tha
Kya mera tajraba akela tha
Sath tera na kuch badal paya
Mera hi rasta akela tha
BaKHshish-e-be-hisab ke aage
Mera dast-e-dua akela tha
Teri samjhaute-baz duniya mein
Kaun mere siwa akela tha
Jo bhi milta gale laga leta
Kis qadar aaina akela tha