apne chehre se jo zaahir hai chhupaaen kaise

Apne chehre se jo zaahir hai chhupaa.en kaise Teree marzee ke mutaabiq nazar aa.en kaise Ghar sajaane kaa tasavvur to bahut ba.ad kaa hai Pahle ye tai ho ki is ghar ko bachaa.en kaise Laakh talvaaren baDhee aatee hon gardan kee taraf Sar jhukaanaa nahin aataa to jhukaa.en kaise Qahqaha aankh kaa bartaao badal deta hai Hansne vaale tujhe aansoo nazar aa.en kaise Phuul se rang judaa honaa koi khel nahin Apnee miTTee ko kaheen chhoD ke jaa.en kaise Koee apnee hee nazar se to hamen dekhegaa Ek qatre ko samundar nazar aa.en kaise Jis ne daanista kiyaa ho nazar-andaaz 'vaseem' Us ko kuch yaad dilaa.en to dilaa.en kaise Apne chehre se jo zahir hai chhupaen kaise Teri marzi ke mutabiq nazar aaen kaise Ghar sajaane ka tasawwur to bahut baad ka hai Pahle ye tai ho ki is ghar ko bachaen kaise Lakh talwaren baDhi aati hon gardan ki taraf Sar jhukana nahin aata to jhukaen kaise Qahqaha aankh ka bartao badal deta hai Hansne wale tujhe aansu nazar aaen kaise Phul se rang juda hona koi khel nahin Apni miTTi ko kahin chhoD ke jaen kaise Koi apni hi nazar se to hamein dekhega Ek qatre ko samundar nazar aaen kaise Jis ne danista kiya ho nazar-andaz 'wasim' Us ko kuch yaad dilaen to dilaen kaise