apne saae ko itnaa samjhaane de
— Waseem Barelvi
Apne saa.e ko itnaa samjhaane de
Mujh tak mere hisse kee dhoop aane de
Ek nazar men ka.ee zamaane dekhe to
BooDhee aankhon kee tasveer banaane de
Baabaa dunya jiit ke main dikhlaa doongaa
Apnee nazar se duur to mujh ko jaane de
Main bhee to is baagh kaa ek parinda hoon
Meree hee awaaz men mujh ko gaane de
Phir to ye oonchaa hee hota jaa.egaa
Bachpan ke haathon men chaand aa jaane de
Faslen pak jaa.en to khet se bichhDengee
Rotee aankh ko pyaar kahaan samjhaane de
Apne sae ko itna samjhane de
Mujh tak mere hisse ki dhup aane de
Ek nazar mein kai zamane dekhe to
BuDhi aankhon ki taswir banane de
Baba duniya jit ke main dikhla dunga
Apni nazar se dur to mujh ko jaane de
Main bhi to is bagh ka ek parinda hun
Meri hi aawaz mein mujh ko gane de
Phir to ye uncha hi hota jaega
Bachpan ke hathon mein chand aa jaane de
Faslen pak jaen to khet se bichhDengi
Roti aankh ko pyar kahan samjhane de