chalo ham hi pahal kar den ki ham se bad gumaan kyuun ho

Chalo ham hee pahal kar den ki ham se bad-gumaan kyuun ho Koee rishta zaraa see zid kee khaatir raa.egaan kyuun ho Main zinda hoon to is zinda-zameeree kee badaulat hee Jo bole tere lahje men bhalaa meree zabaan kyuun ho Savaal aakhir ye ik din dekhnaa ham hee uThaa.enge Na samjhe jo zameen ke gham wo apna aasmaan kyuun ho Hamaaree guftugoo kee aur bhee samten bahut see hain Kisee kaa dil dukhaane hee ko phir apnee zabaan kyuun ho Bikhar kar rah gaya hamsaa.egee kaa khvaab hee varna Diye is ghar men raushan hon to us ghar men dhuaan kyuun ho Mohabbat aasmaan ko jab zameen karne kee zid Thahree To phir buzdil usoolon kee sharaafat darmiyaan kyuun ho Ummeeden saaree dunya se 'vaseem' aur khud men aise gham Kisee pe kuch na zaahir ho to koi mehrbaan kyuun ho Chalo hum hi pahal kar den ki hum se bad-guman kyun ho Koi rishta zara si zid ki KHatir raegan kyun ho Main zinda hun to is zinda-zamiri ki badaulat hi Jo bole tere lahje mein bhala meri zaban kyun ho Sawal aaKHir ye ek din dekhna hum hi uThaenge Na samjhe jo zamin ke gham wo apna aasman kyun ho Hamari guftugu ki aur bhi samten bahut si hain Kisi ka dil dukhane hi ko phir apni zaban kyun ho Bikhar kar rah gaya hamsaegi ka KHwab hi warna Diye is ghar mein raushan hon to us ghar mein dhuan kyun ho Mohabbat aasman ko jab zamin karne ki zid Thahri To phir buzdil usulon ki sharafat darmiyan kyun ho Ummiden sari duniya se 'wasim' aur KHud mein aise gham Kisi pe kuch na zahir ho to koi mehrban kyun ho