diivaane ki jannat

Meraa ye khvaab ki tum mere qareeb aa.ee ho Apne saa.e se jhijaktee huee ghabraatee huee Apne ehsaas kee tahreek pe sharmaatee huee Apne qadmon kee bhee awaaz se katraatee huee Apnee saanson ke mahakte hue andaaz liye Apnee khaamoshee men gahnaa.e hue raaz liye Apne honTon pe ik anjaam kaa aaghaaz liye Dil kee dhaDkan ko bahut roktee samjhaatee huee Apnee paa.el kee ghazal-khvaanee pe jhallaatee huee Narm shaanon pe javaanee kaa nayaa baar liye Shokh aankhon men hijaabaat se inkaar liye Tez nabzon men mulaaqaat ke aasaar liye Kaale baalon se bikhartee huee champaa kee mahak Surkh aariz pe damakte hue shaalon kee chamak Neechee nazron men samaa.ee huee khuddaar jhijak Nuqra.ee jism pe wo chaand kee kirnon kee phuvaar Chaandnee raat men bujhtaa huaa palkon kaa sitaar Fart-e-jazbaat se mahkee huee saanson kee qataar Duur maazee kee bad-anjaam rivaayaat liye Neechee nazren vahee ehsaas-e-mulaaqaat liye Vahee maahaul vahee taaron bharee raat liye Aaj tum aa.ee ho dohraatee huee maazee ko Meraa ye khvaab ki tum mere qareeb aa.ee ho Kaash ik khvaab rahe talkh haqeeqat na bane Ye mulaaqaat bhee deevaane kee jannat na bane Mera ye KHwab ki tum mere qarib aai ho Apne sae se jhijakti hui ghabraati hui Apne ehsas ki tahrik pe sharmati hui Apne qadmon ki bhi aawaz se katraati hui Apni sanson ke mahakte hue andaz liye Apni KHamoshi mein gahnae hue raaz liye Apne honTon pe ek anjam ka aaghaz liye Dil ki dhaDkan ko bahut rokti samjhati hui Apni pael ki ghazal-KHwani pe jhallati hui Narm shanon pe jawani ka naya bar liye ShoKH aankhon mein hijabaat se inkar liye Tez nabzon mein mulaqat ke aasar liye Kale baalon se bikharti hui champa ki mahak SurKH aariz pe damakte hue shaalon ki chamak Nichi nazron mein samai hui KHuddar jhijak Nuqrai jism pe wo chand ki kirnon ki phuwar Chandni raat mein bujhta hua palkon ka sitar Fart-e-jazbaat se mahki hui sanson ki qatar Dur mazi ki bad-anjam riwayat liye Nichi nazren wahi ehsas-e-mulaqat liye Wahi mahaul wahi taron bhari raat liye Aaj tum aai ho dohraati hui mazi ko Mera ye KHwab ki tum mere qarib aai ho Kash ek KHwab rahe talKH haqiqat na bane Ye mulaqat bhi diwane ki jannat na bane