hamaaraa azm e safar kab kidhar kaa ho jaae

Hamaaraa azm-e-safar kab kidhar kaa ho jaa.e Ye wo nahin jo kisee rahguzar kaa ho jaa.e Usee ko jiine kaa haq hai jo is zamaane men Idhar kaa lagtaa rahe aur udhar kaa ho jaa.e Khulee havaaon men uDnaa to us kee fitrat hai Parinda kyuun kisee shaakh-e-shajar kaa ho jaa.e Main laakh chaahoon magar ho to ye nahin saktaa Ki teraa chehraa miree hee nazar kaa ho jaa.e Miraa na hone se kya farq us ko paDnaa hai Pata chale jo kisee kam-nazar kaa ho jaa.e 'vaseem' sub.h kee tanhaa.i-e-safar socho Mushaa.era to chalo raat bhar kaa ho jaa.e Hamara azm-e-safar kab kidhar ka ho jae Ye wo nahin jo kisi rahguzar ka ho jae Usi ko jine ka haq hai jo is zamane mein Idhar ka lagta rahe aur udhar ka ho jae Khuli hawaon mein uDna to us ki fitrat hai Parinda kyun kisi shaKH-e-shajar ka ho jae Main lakh chahun magar ho to ye nahin sakta Ki tera chehra meri hi nazar ka ho jae Mera na hone se kya farq us ko paDna hai Pata chale jo kisi kam-nazar ka ho jae 'wasim' subh ki tanhai-e-safar socho Mushaera to chalo raat bhar ka ho jae