khul ke milne kaa saliiqa aap ko aataa nahin

Khul ke milne kaa saleeqa aap ko aataa nahin Aur mere paas koi chor darvaaza nahin Vo samajhtaa tha use paa kar hee main rah jaa.oongaa Us ko meree pyaas kee shiddat kaa andaaza nahin Jaa dikhaa dunya ko mujh ko kya dikhaataa hai ghuroor Too samundar hai to hai main to magar pyaasaa nahin Koee bhee dastak kare aahaT ho yaa awaaz de Mere haathon men miraa ghar to hai darvaaza nahin Apnon ko apna kahaa chaahe kisee darje ke hon Aur jab aisa kiyaa main ne to sharmaayaa nahin Us kee mahfil men unheen kee raushnee jin ke charaagh Main bhee kuch hota to meraa bhee diyaa hota nahin Tujh se kya bichhDaa miree saaree haqeeqat khul ga.ee Ab koi mausam mile to mujh se sharmaataa nahin Khul ke milne ka saliqa aap ko aata nahin Aur mere pas koi chor darwaza nahin Wo samajhta tha use pa kar hi main rah jaunga Us ko meri pyas ki shiddat ka andaza nahin Ja dikha duniya ko mujh ko kya dikhata hai ghurur Tu samundar hai to hai main to magar pyasa nahin Koi bhi dastak kare aahaT ho ya aawaz de Mere hathon mein mera ghar to hai darwaza nahin Apnon ko apna kaha chahe kisi darje ke hon Aur jab aisa kiya main ne to sharmaya nahin Us ki mahfil mein unhin ki raushni jin ke charagh Main bhi kuch hota to mera bhi diya hota nahin Tujh se kya bichhDa meri sari haqiqat khul gai Ab koi mausam mile to mujh se sharmata nahin