khvaab nahin dekhaa hai

Main ne muddat se koi khvaab nahin dekhaa hai Raat khilne kaa gulaabon se mahak aane kaa Os kee boondon men suraj ke samaa jaane kaa Chaand see miTTee ke zarron se sadaa aane kaa Shahr se duur kisee gaanv men rah jaane kaa Khet khaliyaanon men baaghon men kaheen gaane kaa Subah ghar chhoDne kaa der se ghar aane kaa Bahte jharnon kee khanaktee huee aavaazon kaa Chahchahaatee huee chiDiyon se ladee shaakhon kaa Nargisee aankhon men hanstee huee naadaanee kaa Muskuraate hue chehre kee ghazal khvaanee kaa Teraa ho jaane tire pyaar men kho jaane kaa Teraa kahlaane kaa teraa hee nazar aane kaa Main ne muddat se koi khvaab nahin dekhaa hai Haath rakh de miree aankhon pe ki niind aa jaa.e Main ne muddat se koi KHwab nahin dekha hai Raat khilne ka gulabon se mahak aane ka Os ki bundon mein suraj ke sama jaane ka Chand si miTTi ke zarron se sada aane ka Shahr se dur kisi ganw mein rah jaane ka Khet khaliyanon mein baghon mein kahin gane ka Subah ghar chhoDne ka der se ghar aane ka Bahte jharnon ki khanakti hui aawazon ka Chahchahati hui chiDiyon se ladi shaKHon ka Nargisi aankhon mein hansti hui nadani ka Muskuraate hue chehre ki ghazal KHwani ka Tera ho jaane tere pyar mein kho jaane ka Tera kahlane ka tera hi nazar aane ka Main ne muddat se koi KHwab nahin dekha hai Hath rakh de meri aankhon pe ki nind aa jae