kitnaa dushvaar tha dunya ye hunar aanaa bhi

Kitnaa dushvaar tha dunya ye hunar aanaa bhee Tujh se hee faasla rakhnaa tujhe apnaanaa bhee Kaisee aadaab-e-numaa.ish ne lagaa.een sharten Phuul honaa hee nahin phuul nazar aanaa bhee Dil kee bigDee huee aadat se ye ummeed na thee Bhuul jaa.egaa ye ik din tiraa yaad aanaa bhee Jaane kab shahr ke rishton kaa badal jaa.e mizaaj Itnaa aasaan to nahin lauT ke ghar aanaa bhee Aise rishte kaa bharam rakhnaa koi khel nahin Teraa honaa bhee nahin aur tiraa kahlaanaa bhee Khud ko pahchaan ke dekhe to zaraa ye Dariya Bhuul jaa.egaa samundar kee taraf jaanaa bhee Jaanne vaalon kee is bhiiD se kya hogaa 'vaseem' Is men ye dekhiye koi mujhe pahchaanaa bhee Kitna dushwar tha duniya ye hunar aana bhi Tujh se hi fasla rakhna tujhe apnana bhi Kaisi aadab-e-numaish ne lagain sharten Phul hona hi nahin phul nazar aana bhi Dil ki bigDi hui aadat se ye ummid na thi Bhul jaega ye ek din tera yaad aana bhi Jaane kab shahr ke rishton ka badal jae mizaj Itna aasan to nahin lauT ke ghar aana bhi Aise rishte ka bharam rakhna koi khel nahin Tera hona bhi nahin aur tera kahlana bhi KHud ko pahchan ke dekhe to zara ye dariya Bhul jaega samundar ki taraf jaana bhi Jaanne walon ki is bhiD se kya hoga 'wasim' Is mein ye dekhiye koi mujhe pahchana bhi