lahuu na ho to qalam tarjumaan nahin hota

Lahoo na ho to qalam tarjumaan nahin hota Hamaare daur men aansoo zabaan nahin hota Jahaan rahegaa vaheen raushnee luTaa.egaa Kisee charaagh kaa apna makaan nahin hota Ye kis maqaam pe laa.ee hai meree tanhaa.ee Ki mujh se aaj koi bad-gumaan nahin hota Bas ik nigaah miree raah dekhtee hotee Ye sara shahr miraa mezbaan nahin hota Tiraa khayaal na hota to kaun samjhaataa Zameen na ho to koi aasmaan nahin hota Main us ko bhuul gaya hoon ye kaun maanegaa Kisee charaagh ke bas men dhuaan nahin hota 'vaseem' sadiyon kee aankhon se dekhiye mujh ko Vo lafz hoon jo kabhi daastaan nahin hota Lahu na ho to qalam tarjuman nahin hota Hamare daur mein aansu zaban nahin hota Jahan rahega wahin raushni luTaega Kisi charagh ka apna makan nahin hota Ye kis maqam pe lai hai meri tanhai Ki mujh se aaj koi bad-guman nahin hota Bas ek nigah meri rah dekhti hoti Ye sara shahr mera mezban nahin hota Tera KHayal na hota to kaun samjhata Zamin na ho to koi aasman nahin hota Main us ko bhul gaya hun ye kaun manega Kisi charagh ke bas mein dhuan nahin hota 'wasim' sadiyon ki aankhon se dekhiye mujh ko Wo lafz hun jo kabhi dastan nahin hota