mujhe to qatra hi honaa bahut sataataa hai

Mujhe to qatra hee honaa bahut sataataa hai Isee liye to samundar pe rahm aataa hai Vo is tarah bhee miree ahmiyat ghaTaataa hai Ki mujh se milne men sharten bahut lagaataa hai BichhaDte waqt kisee aankh men jo aataa hai Tamaam umr wo aansoo bahut rulaataa hai Kahaan pahunch ga.ee dunya use pata hee nahin Jo ab bhee maazee ke qisse sunaa.e jaataa hai UThaa.e jaa.en jahaan haath aise jalse men Vahee buraa jo koi mas.ala uThaataa hai Na koi ohda na degre na naam kee takhtee Main rah raha hoon yahaan meraa ghar bataataa hai Samajh raha ho kaheen khud ko meree kamzoree To us se kah do mujhe bhoolnaa bhee aataa hai Mujhe to qatra hi hona bahut satata hai Isi liye to samundar pe rahm aata hai Wo is tarah bhi meri ahmiyat ghaTata hai Ki mujh se milne mein sharten bahut lagata hai BichhaDte waqt kisi aankh mein jo aata hai Tamam umr wo aansu bahut rulata hai Kahan pahunch gai duniya use pata hi nahin Jo ab bhi mazi ke qisse sunae jata hai UThae jaen jahan hath aise jalse mein Wahi bura jo koi masala uThata hai Na koi ohda na degree na nam ki taKHti Main rah raha hun yahan mera ghar batata hai Samajh raha ho kahin KHud ko meri kamzori To us se kah do mujhe bhulna bhi aata hai