na jaane kyuun mujhe us se hi khauf lagtaa hai
— Waseem Barelvi
Na jaane kyuun mujhe us se hee khauf lagtaa hai
Mire liye jo zamaane ko chhoD aayaa hai
Andheree shab ke havaalon men us ko rakkhaa hai
Jo saare shahr kee neenden uDaa ke soyaa hai
Rafaaqaton ke safar men to be-yaqeenee thee
Ye faasla hai jo rishta banaa.e rakhtaa hai
Vo khvaab the jinhen ham mil ke dekh sakte the
Ye baar-e-zeest hai tanhaa uThaanaa paDtaa hai
Hamen kitaabon men kya DhoonDne chale ho 'vaseem'
Jo ham ko paDh nahin paa.e unheen ne likkhaa hai
Na jaane kyun mujhe us se hi KHauf lagta hai
Mere liye jo zamane ko chhoD aaya hai
Andheri shab ke hawalon mein us ko rakkha hai
Jo sare shahr ki ninden uDa ke soya hai
Rafaqaton ke safar mein to be-yaqini thi
Ye fasla hai jo rishta banae rakhta hai
Wo KHwab the jinhen hum mil ke dekh sakte the
Ye bar-e-zist hai tanha uThana paDta hai
Hamein kitabon mein kya DhunDne chale ho 'wasim'
Jo hum ko paDh nahin pae unhin ne likkha hai