nigaahon ke taqaaze chain se marne nahin dete
— Waseem Barelvi
Nigaahon ke taqaaze chain se marne nahin dete
Yahaan manzar hee aise hain ki dil bharne nahin dete
Ye log auron ke dukh jiine nikal aa.e hain saDkon par
Agar apna hee gham hota to yuun dharne nahin dete
Yahee qatre jo dam apna dikhaane par utar aate
Samundar aisi man-maanee tujhe karne nahin dete
Qalam main to uThaa ke jaane kab kaa rakh chukaa hota
Magar tum ho ke qissa mukhtasar karne nahin dete
Hameen un se umeeden aasmaan chhoone kee karte hain
Hameen bachchon ko apne faisle karne nahin dete
Nigahon ke taqaze chain se marne nahin dete
Yahan manzar hi aise hain ki dil bharne nahin dete
Ye log auron ke dukh jine nikal aae hain saDkon par
Agar apna hi gham hota to yun dharne nahin dete
Yahi qatre jo dam apna dikhane par utar aate
Samundar aisi man-mani tujhe karne nahin dete
Qalam main to uTha ke jaane kab ka rakh chuka hota
Magar tum ho ke qissa muKHtasar karne nahin dete
Hamin un se umiden aasman chhune ki karte hain
Hamin bachchon ko apne faisle karne nahin dete