sab ne milaae haath yahaan tiirgii ke saath

Sab ne milaa.e haath yahaan teergee ke saath Kitnaa baDaa mazaaq huaa raushnee ke saath Sharten lagaa.ee jaatee nahin dostee ke saath Kiije mujhe qubool miree har kamee ke saath Teraa khayaal, teree talab teree aarzoo Main umr bhar chalaa hoon kisee raushnee ke saath Duniyaa mire khilaaf khaDee kaise ho ga.ee Meree to dushmanee bhee nahin thee kisee ke saath Kis kaam kee rahi ye dikhaave kee zindagee Vaade kiye kisee se guzaaree kisee ke saath Duniyaa ko bevafaa.ee kaa ilzaam kaun de Apnee hee nibh sakee na bahut din kisee ke saath Qatre wo kuch bhee paa.en ye mumkin nahin 'vaseem' BaDhnaa jo chaahte hain samundar-kashee ke saath Sab ne milae hath yahan tirgi ke sath Kitna baDa mazaq hua raushni ke sath Sharten lagai jati nahin dosti ke sath Kije mujhe qubul meri har kami ke sath Tera KHayal, teri talab teri aarzu Main umr bhar chala hun kisi raushni ke sath Duniya mere KHilaf khaDi kaise ho gai Meri to dushmani bhi nahin thi kisi ke sath Kis kaam ki rahi ye dikhawe ki zindagi Wade kiye kisi se guzari kisi ke sath Duniya ko bewafai ka ilzam kaun de Apni hi nibh saki na bahut din kisi ke sath Qatre wo kuch bhi paen ye mumkin nahin 'wasim' BaDhna jo chahte hain samundar-kashi ke sath