sabhii kaa dhoop se bachne ko sar nahin hota

Sabhee kaa dhoop se bachne ko sar nahin hota Har aadmee ke muqaddar men ghar nahin hota Kabhee lahoo se bhee taareekh likhnee paDtee hai Har ek ma.arka baaton se sar nahin hota Main us kee aankh kaa aansoo na ban sakaa varna Mujhe bhee khaak men milne kaa Dar nahin hota Mujhe talaash karoge to phir na paaoge Main ik sadaa hoon sadaaon kaa ghar nahin hota Hamaaree aankh ke aansoo kee apnee dunya hai Kisee faqeer ko shaahon kaa Dar nahin hota Main us makaan men rahtaa hoon aur zinda hoon 'vaseem' jis men havaa kaa guzar nahin hota Sabhi ka dhup se bachne ko sar nahin hota Har aadmi ke muqaddar mein ghar nahin hota Kabhi lahu se bhi tariKH likhni paDti hai Har ek marka baaton se sar nahin hota Main us ki aankh ka aansu na ban saka warna Mujhe bhi KHak mein milne ka Dar nahin hota Mujhe talash karoge to phir na paoge Main ek sada hun sadaon ka ghar nahin hota Hamari aankh ke aansu ki apni duniya hai Kisi faqir ko shahon ka Dar nahin hota Main us makan mein rehta hun aur zinda hun 'wasim' jis mein hawa ka guzar nahin hota