tumhaarii raah men mittii ke ghar nahin aate

Tumhaaree raah men miTTee ke ghar nahin aate Isee liye to tumhen ham nazar nahin aate Mohabbaton ke dinon kee yahee kharaabee hai Ye rooth jaa.en to phir lauT kar nahin aate Jinhen saleeqa hai tahzeeb-e-gham samajhne kaa Unheen ke rone men aansoo nazar nahin aate Khushee kee aankh men aansoo kee bhee jagah rakhnaa Bure zamaane kabhi poochh kar nahin aate Bisaat-e-ishq pe baDhnaa kise nahin aataa Ye aur baat ki bachne ke ghar nahin aate 'vaseem' zehn banaate hain to vahee akhbaar Jo le ke ek bhee achchhee khabar nahin aate Tumhaari rah mein miTTi ke ghar nahin aate Isi liye to tumhein hum nazar nahin aate Mohabbaton ke dinon ki yahi KHarabi hai Ye ruTh jaen to phir lauT kar nahin aate Jinhen saliqa hai tahzib-e-gham samajhne ka Unhin ke rone mein aansu nazar nahin aate KHushi ki aankh mein aansu ki bhi jagah rakhna Bure zamane kabhi puchh kar nahin aate Bisat-e-ishq pe baDhna kise nahin aata Ye aur baat ki bachne ke ghar nahin aate 'wasim' zehn banate hain to wahi aKHbar Jo le ke ek bhi achchhi KHabar nahin aate