use samajhne kaa koi to raasta nikle
— Waseem Barelvi
Use samajhne kaa koi to raasta nikle
Main chaahtaa bhee yahee tha wo bevafaa nikle
Kitaab-e-maazee ke auraaq ulaT ke dekh zaraa
Na jaane kaun saa saf.ha muDaa huaa nikle
Main tujh se miltaa to tafseel men nahin jaataa
Miree taraf se tire dil men jaane kya nikle
Jo dekhne men bahut hee qareeb lagtaa hai
Usee ke baare men socho to faasla nikle
Tamaam shahr kee aankhon men surkh sho.ale hain
'vaseem' ghar se ab aise men koi kya nikle
Use samajhne ka koi to rasta nikle
Main chahta bhi yahi tha wo bewafa nikle
Kitab-e-mazi ke auraq ulaT ke dekh zara
Na jaane kaun sa safha muDa hua nikle
Main tujh se milta to tafsil mein nahin jata
Meri taraf se tere dil mein jaane kya nikle
Jo dekhne mein bahut hi qarib lagta hai
Usi ke bare mein socho to fasla nikle
Tamam shahr ki aankhon mein surKH shoale hain
'wasim' ghar se ab aise mein koi kya nikle