wo mere ghar nahin aataa main us ke ghar nahin jaataa

Wo mere ghar nahin aataa main us ke ghar nahin jaataa Magar in ehtiyaaton se ta.alluq mar nahin jaataa Bure achchhe hon jaise bhee hon sab rishte yaheen ke hain Kisee ko saath dunya se koi le kar nahin jaataa Gharon kee tarbiyat kya aa ga.ee T-v ke haathon men Koee bachcha ab apne baap ke uupar nahin jaataa Khule the shahr men sau dar magar ik had ke andar hee Kahaan jaataa agar main lauT ke phir ghar nahin jaataa Mohabbat ke ye aansoo hain unhen aankhon men rehne do Shareefon ke gharon kaa mas.ala baahar nahin jaataa 'vaseem' us se kaho dunya bahut mahdood hai meree Kisee dar kaa jo ho jaa.e wo phir dar dar nahin jaataa Wo mere ghar nahin aata main us ke ghar nahin jata Magar in ehtiyaton se talluq mar nahin jata Bure achchhe hon jaise bhi hon sab rishte yahin ke hain Kisi ko sath duniya se koi le kar nahin jata Gharon ki tarbiyat kya aa gai T-w ke hathon mein Koi bachcha ab apne bap ke upar nahin jata Khule the shahr mein sau dar magar ek had ke andar hi Kahan jata agar main lauT ke phir ghar nahin jata Mohabbat ke ye aansu hain unhen aankhon mein rehne do Sharifon ke gharon ka masala bahar nahin jata 'wasim' us se kaho duniya bahut mahdud hai meri Kisi dar ka jo ho jae wo phir dar dar nahin jata