ye hai to sab ke liye ho ye zid hamaarii hai

Ye hai to sab ke liye ho ye zid hamaaree hai Is ek baat pe dunya se jang jaaree hai UDaan vaalo uDaanon pe waqt bhaaree hai Paron kee ab ke nahin hauslon kee baaree hai Main qatra ho ke bhee toofaan se jang letaa hoon Mujhe bachaanaa samundar kee zimmedaaree hai Isee se jalte hain sahraa-e-aarzoo men charaagh Ye tishnagee to mujhe zindagee se pyaaree hai Koee bataa.e ye us ke ghuroor-e-bejaa ko Vo jang main ne laDee hee nahin jo haaree hai Har ek saans pe pahraa hai be-yaqeenee kaa Ye zindagee to nahin maut kee savaaree hai Duaa karo ki salaamat rahe miree himmat Ye ik charaagh ka.ee aandhiyon pe bhaaree hai Ye hai to sab ke liye ho ye zid hamari hai Is ek baat pe duniya se jang jari hai UDan walo uDanon pe waqt bhaari hai Paron ki ab ke nahin hauslon ki bari hai Main qatra ho ke bhi tufan se jang leta hun Mujhe bachana samundar ki zimmedari hai Isi se jalte hain sahra-e-arzu mein charagh Ye tishnagi to mujhe zindagi se pyari hai Koi batae ye us ke ghurur-e-beja ko Wo jang main ne laDi hi nahin jo haari hai Har ek sans pe pahra hai be-yaqini ka Ye zindagi to nahin maut ki sawari hai Dua karo ki salamat rahe meri himmat Ye ek charagh kai aandhiyon pe bhaari hai