zindagii tujh pe ab ilzaam koi kya rakkhe

Zindagee tujh pe ab ilzaam koi kya rakkhe Apnaa ehsaas hee aisa hai jo tanhaa rakkhe Kin shikaston ke shab-o-roz se guzraa hogaa Vo musavvir jo har ik naqsh adhooraa rakkhe Khushk miTTee hee ne jab paanv jamaane na diye Bahte Dariya se phir ummeed koi kya rakkhe Aa gham-e-dost usee moD pe ho jaaon judaa Jo mujhe meraa hee rehne de na teraa rakkhe Aarzooon ke bahut khvaab to dekho ho 'vaseem' Jaane kis haal men be-dard zamaana rakkhe Zindagi tujh pe ab ilzam koi kya rakkhe Apna ehsas hi aisa hai jo tanha rakkhe Kin shikaston ke shab-o-roz se guzra hoga Wo musawwir jo har ek naqsh adhura rakkhe KHushk miTTi hi ne jab panw jamane na diye Bahte dariya se phir ummid koi kya rakkhe Aa gham-e-dost usi moD pe ho jaun juda Jo mujhe mera hi rehne de na tera rakkhe Aarzuon ke bahut KHwab to dekho ho 'wasim' Jaane kis haal mein be-dard zamana rakkhe