aamad kabhi khushk mausam men purvaa jo chaltii

Kabhi khushk mausam men purvaa jo chaltee To banjar pahaaDon ghane gard-aalood shahron se katraa ke Ham tak pahunchtee Hamen tund yaadon ke girdaab main Doobte aur ubharte hue dekh kar ham se kahtee Main un sab ke jismon se mas ho ke aa.ee hoon Un ke paseene kee khushboo ko Apne libaade men bhar kar Hathelee pe rakh kar main laa.ee hoon Kabhee surkh sooraj nikaltaa To ham us se kahte Tumhaaree dahaktee huee aankh kaa raaz kya hai Vo kahtaa Main in sab kee aankhon ke ghurfon se Ye saaree ujlee tamaazat churaataa raha hoon Main daryooza-gar un charaaghon se khud ko jalaataa raha hoon Unhen ham ne DhoonDaa Kabhee sabz shabnam ke chheenTon men taaron kee rotee huee anjuman main Kabhee sub.h kee qatl-gaah shab ke ghaayal badan men Unhen ham ne awaaz dee koo-ba-koo Gham men Duubee huee bastiyon se aTe khaak-daan-e-vatan men Magar wo nahin the kaheen bhee nahin the Kaheen un ke qadmon kee halkee see awaaz tak bhee nahin thee Phir ik roz dhartee kaa mausam jo badlaa To baadal ne shaanon se ham ko hilaa kar jagaayaa Kahaa un ke aane kaa paighaam aayaa Chahakte parindon ne shaakhon se uD kar Havaaon men ik daa.era saa banaayaa Kahaa un ke aane kaa paighaam aayaa Dhanak saat rangon men lipTee huee Ik kamaan ban ke zaahir huee Ham se kahne lagee apnee aankhon se dekhaa hai main ne unhen Tez qadmon se aate hue Shaam hansne lagee Us kee aankhon men khushiyon ke aansoo the Aariz pe shabnam Nageenon kee soorat chamakne lagee thee Kabhi KHushk mausam mein purwa jo chalti To banjar pahaDon ghane gard-alud shahron se katra ke Hum tak pahunchti Hamein tund yaadon ke girdab main Dubte aur ubharte hue dekh kar hum se kahti Main un sab ke jismon se mas ho ke aai hun Un ke pasine ki KHushbu ko Apne libaade mein bhar kar Hatheli pe rakh kar main lai hun Kabhi surKH suraj nikalta To hum us se kahte Tumhaari dahakti hui aankh ka raaz kya hai Wo kahta Main in sab ki aankhon ke ghurfon se Ye sari ujli tamazat churaata raha hun Main daryuza-gar un charaghon se KHud ko jalata raha hun Unhen hum ne DhunDa Kabhi sabz shabnam ke chhinTon mein taron ki roti hui anjuman main Kabhi subh ki qatl-gah shab ke ghayal badan mein Unhen hum ne aawaz di ku-ba-ku Gham mein Dubi hui bastiyon se aTe KHak-dan-e-watan mein Magar wo nahin the kahin bhi nahin the Kahin un ke qadmon ki halki si aawaz tak bhi nahin thi Phir ek roz dharti ka mausam jo badla To baadal ne shanon se hum ko hila kar jagaya Kaha un ke aane ka paigham aaya Chahakte parindon ne shaKHon se uD kar Hawaon mein ek daera sa banaya Kaha un ke aane ka paigham aaya Dhanak sat rangon mein lipTi hui Ek kaman ban ke zahir hui Hum se kahne lagi apni aankhon se dekha hai main ne unhen Tez qadmon se aate hue Sham hansne lagi Us ki aankhon mein KHushiyon ke aansu the Aariz pe shabnam Naginon ki surat chamakne lagi thi