ajiib hai ye silsila ajiib hai ye silsila

Ajiib hai ye silsila Ye silsila ajiib hai Havaa chale to ketiyon men dhuum chahchahon kee hai Havaa ruke to murdanee hai Murdanee kee raakh kaa nuzool hai Kahaan hai too kahaan hai too Kahaan nahin hai too bataa Abhee thaa tere girte Udhte aanchalon kaa silsila Aur ab ufuq par duur tak Ga.e dinon kee dhuul hai Ga.e dinon kee dhuul kaa ye silsila fuzool hai Main ro sakoon To kya ye gadlee kaa.enaat dhul sakegee Mere aansuon ke jhaag se Main muskuraa sakoon To kya safar kee khastagee ko bhuul kar ye kaarvaan nujoom ke Baras paDenge motiye ke phuul ban ke Is muheeb kaasa-e-hayaat men Na too sune na main kahoon Na mere ang ang se sadaa uThe Yuun hee main aansuon ko qahqahon ko Apne dil men dafan kar ke Gum Labon pe sil dhare Tire nagar men paa-piyaada paa-barahna Shaam ke fishaar tak ravaan rahoon Magar kabhi Tiree nazar ke aastaan ko Paar tak na kar sakoon Ki too azal se taa-abad Hazaar sad hazaar aankh vaale vaqt Kee naqeeb hai Ye silsila ajiib hai Ye silsila ajiib hai Ajib hai ye silsila Ye silsila ajib hai Hawa chale to ketiyon mein dhum chahchahon ki hai Hawa ruke to murdani hai Murdani ki rakh ka nuzul hai Kahan hai tu kahan hai tu Kahan nahin hai tu bata Abhi tha tere girte Udhte aanchalon ka silsila Aur ab ufuq par dur tak Gae dinon ki dhul hai Gae dinon ki dhul ka ye silsila fuzul hai Main ro sakun To kya ye gadli kaenat dhul sakegi Mere aansuon ke jhag se Main muskura sakun To kya safar ki KHastagi ko bhul kar ye karwan nujum ke Baras paDenge motiye ke phul ban ke Is muhib kasa-e-hayat mein Na tu sune na main kahun Na mere ang ang se sada uThe Yun hi main aansuon ko qahqahon ko Apne dil mein dafan kar ke Gum Labon pe sil dhare Tere nagar mein pa-piyaada pa-barahna Sham ke fishaar tak rawan rahun Magar kabhi Teri nazar ke aastan ko Par tak na kar sakun Ki tu azal se ta-abad Hazar sad hazar aankh wale waqt Ki naqib hai Ye silsila ajib hai Ye silsila ajib hai