bandhan

Darakht din raat kaanpte hain Parind kitne Dare hue hain Falak pe taare zameen pe jugnoo Gharon ke andar chhupe khazaane KaTe phaTe sab badan puraane Qadeem chiknee taveel Doree men bandh ga.e hain Kaseef Dar kee ghaleez muTThee men aa ga.e hain Kahaan ga.e wo dilon ke bandhan Gulaab-honTon kee narm qausen Zameen jo raakhee see ban ke Sooraj ke haath par muskuraa rahi thee Kahaan ga.ee wo havaa jo pengen baDhaa rahi thee Vo sabz khushboo jo band naafe Galee galee phir ke baanTtee thee Vo haath thaame Naheef jismon kee ek lambee qataar jis men Kaheen bhee koi taDakh nahin thee Ye kaun hain ham Jo sahme peDon Dare parindon larazte taaron Se bandh ga.e hain Khud apne saayon se Dar ga.e hain DaraKHt din raat kanpte hain Parind kitne Dare hue hain Falak pe tare zamin pe jugnu Gharon ke andar chhupe KHazane KaTe phaTe sab badan purane Qadim chikni tawil Dori mein bandh gae hain Kasif Dar ki ghaliz muTThi mein aa gae hain Kahan gae wo dilon ke bandhan Gulab-honTon ki narm qausen Zamin jo rakhi si ban ke Suraj ke hath par muskura rahi thi Kahan gai wo hawa jo pengen baDha rahi thi Wo sabz KHushbu jo band nafe Gali gali phir ke banTti thi Wo hath thame Nahif jismon ki ek lambi qatar jis mein Kahin bhi koi taDaKH nahin thi Ye kaun hain hum Jo sahme peDon Dare parindon larazte taron Se bandh gae hain KHud apne sayon se Dar gae hain