be karaan vusaton men tanhaa safar men hoon aur rukaa khadaa hoon

Safar men hoon aur rukaa khaDaa hoon Main chaaron samton men chal raha hoon magar kahaan hoon Vaheen jahaan surkh raushnaa.ee kaa ek qatra Kisee qalam kee kaseef nib se Tapak paDaa hai Main khud bhee shaayad kisee qalam se giraa huaa ek surkh qatra hoon Zindagee kee sajal jabeen par chamaktee bindiyaa see ban gaya hoon Magar main bindiyaa nahin hoon shaayad ki wo to taqdees kaa nishaan hai Dilon ke dhaagon kee ik girah hai Girah jo sadiyon men banne vaale haseen rishton kaa aashram hai Jo aane vaale taDaptee sadiyon kee ibtidaa hai Girah to junction hai pTriyon kaa musaafiron kaa na.ee-navelee rafaaqaton kaa Mohabbaton kaa aziyyaton kaa Magar main tanhaa hoon be-karaan vus.aton men tanhaa Safed maazee safed fardaa safed ye lamha-e-ibaadat Ki jis pe koi nahin ibaarat Safed maathe pe surkh dhabba hoon Ibtidaa intihaa ke dhaagon se kaT chukaa hoon Main surkh dhabba hoon Kapkapaate lateef akson kaa silsila hoon Tamaam chehre jo tere andar se jhaankte hain Mire hee chehre kee jhalkiyaan hain Mire hee siine kee dhaDkanen hain Ye tez rangon ke tund Dariya Jo dukh ke koh-e-giraan se ras kar Zameen kee banjar udaas see saltanat ko chhoo kar Us ek be-ant surkh nuqte ke bahr-e-zulmaat men gire hain Mire hee be-naam dast-o-paa hain Ye jagmagaatee see kahkashaa.en jo ibtidaa se Khalaa kee zulmat men qaid baahar ko uD rahi hain Girhen banee hain Vaheen khaDee hain Vaheen jahaan surkh raushnaa.ee kaa ek qatra Kisee qalam kee kaseef nib se Tapak paDaa hai Vo ek qatra jo meraa dil hai Jo mere akson kaa silsila hai Jo mere hone se surkh-roo hai Jo meree paa-basta aarzoo hai Safar mein hun aur ruka khaDa hun Main chaaron samton mein chal raha hun magar kahan hun Wahin jahan surKH raushnai ka ek qatra Kisi qalam ki kasif nib se Tapak paDa hai Main KHud bhi shayad kisi qalam se gira hua ek surKH qatra hun Zindagi ki sajal jabin par chamakti bindiya si ban gaya hun Magar main bindiya nahin hun shayad ki wo to taqdis ka nishan hai Dilon ke dhagon ki ek girah hai Girah jo sadiyon mein banne wale hasin rishton ka aashram hai Jo aane wale taDapti sadiyon ki ibtida hai Girah to junction hai pTriyon ka musafiron ka nai-naweli rafaqaton ka Mohabbaton ka aziyyaton ka Magar main tanha hun be-karan wusaton mein tanha Safed mazi safed farda safed ye lamha-e-ibaadat Ki jis pe koi nahin ibarat Safed mathe pe surKH dhabba hun Ibtida intiha ke dhagon se kaT chuka hun Main surKH dhabba hun Kapkapate latif akson ka silsila hun Tamam chehre jo tere andar se jhankte hain Mere hi chehre ki jhalkiyan hain Mere hi sine ki dhaDkanen hain Ye tez rangon ke tund dariya Jo dukh ke koh-e-giran se ras kar Zamin ki banjar udas si saltanat ko chhu kar Us ek be-ant surKH nuqte ke bahr-e-zulmat mein gire hain Mere hi be-nam dast-o-pa hain Ye jagmagati si kahkashaen jo ibtida se KHala ki zulmat mein qaid bahar ko uD rahi hain Girhen bani hain Wahin khaDi hain Wahin jahan surKH raushnai ka ek qatra Kisi qalam ki kasif nib se Tapak paDa hai Wo ek qatra jo mera dil hai Jo mere akson ka silsila hai Jo mere hone se surKH-ru hai Jo meri pa-basta aarzu hai