be sadaa dam ba khud fazaa se dar

Be-sadaa dam-ba-khud fazaa se Dar Khushk patta hai to havaa se Dar Kore kaaghaz kee saadgee pe na jaa Gung lafzon kee is ridaa se Dar Aasmaan se na is qadar ghabraa Too zameen kee sazaa jazaa se Dar Jaane kis khoonT tujh ko le jaa.en Shaahzaade nuqoosh-e-paa se Dar Tark-e-dast-e-talab pe mat itraa Apne dil men chhupe gadaa se Dar Arsh tak bhee uDaan hai apnee Ham parindon kee bad-duaa se Dar Aarzoo ik na.e janam kee na kar Itnee lambee kaDee sazaa se Dar Be-sada dam-ba-KHud faza se Dar KHushk patta hai to hawa se Dar Kore kaghaz ki sadgi pe na ja Gung lafzon ki is rida se Dar Aasman se na is qadar ghabra Tu zamin ki saza jaza se Dar Jaane kis khunT tujh ko le jaen Shahzade nuqush-e-pa se Dar Tark-e-dast-e-talab pe mat itra Apne dil mein chhupe gada se Dar Arsh tak bhi uDan hai apni Hum parindon ki bad-dua se Dar Aarzu ek nae janam ki na kar Itni lambi kaDi saza se Dar